أسهل طريقة لحجز أفضل العيادات البيطرية
الأمومة البديلة عند القطط

عند فقد الأم أو عند هجر الام للقطط الصغيرة

سواء كلهم او افراد منهم... هيكون الاعتماد الكلي علينا في التغذية والرعاية لمدة شهر ونص من ولادته

ودي عملية بيطلق عليها الأمومة البديلة

والموضوع مش بس التغذية فقط... الموضوع بيبقى شامل التدفئة.. ومتابعة تفتيح العين.. والتنضيف والمساج على البطن بعد كل وجبة عشان القط الصغير مش بيعمل اخراج لوحده.. وكمان تدليك عضلات الجسم باستمرار لتقويتها

التدفئة:

 بنحط جنبه دايما مصدر دفء ( قربة مية او زجاجة او حتى كيس نايلون فيه مية دافية بتتغير باستمرار) ويكون  ملفوف بقماش او فوطة عشان بيفتكرها امه

التغذية:

 اولاً: النوع

بترتيب الافضلية

- اللبن البديل الخاص بالقطط زي رويال كانين - ميرا - كانينا

بس طبعًا تكلفته كبيرة

- ألبان الاطفال ( بشري) مع مراعاة انه يكون خالي من اللاكتوز

زي babylack lactose free و hero lactose free

- جهينة خالي من اللاكتوز من السوبر ماركت و يتم تخفيفه ١:١ و يضاف اليه ( ماء غريب) و معلقة زيت زيتون

 ثانيا: التوقيت

بندي وجبة بحد اقصى كل اربع ساعات

 ثالثًا: الكمية

بتزيد مع تقدم العمر وبتختلف من قط للتاني بمتوسط تلاتين سم

 رابعًا: الطريقة

 بالسرنجة او القطارة او الببرونة الخاصة بالقطط

 خامسا: الفطام

وبيبدأ من الاسبوع الخامس بإدخال الطعام سهل الهضم مثل ال سيريلاك وريري وهيرو البرطمانات

او البطاطس المهروسة مع قطع دجاج و قليل من الجزر مضروبين في الخلاط لدرجة قريبة من السيولة semi solid

Dr. Hany Kamal

Founder & Co. Owner / grand vet center

Grand vet center
  • التجمع الخامس.. شارع ١٥ مول لايف ميديكال امام مكتبة الوان .. مدخل رقم 1 الدور الثالث
  • مصر - القاهرة
  • 01006616566
  • 150 جنية مصرى
  • مواعيد العمل
جميع الحقوق محفوظة 2019 © موقع DRPET
01098661254
تواصل معنا نحن فى خدمتك طول اليوم